القيادة ((فن ودوق وأخلاق)) ليصح العنى

المتل بيقول القيادة فن ودوق وأخلاق يلي قال هالمتل أكيد ما دار بشوارع حلب السواقة هالأيام صارت صعبة كتير وانفقد منها الدوق والأدب مثال رايح ومستعجل ومعك اسعاف بكون الطريق مفتوح بحاولوا يسكروا بتسألون ليش بقولوا خايفين على سلامتك من السرعة بتكون عبتسوق بأمان الله بيطلعلك شب عبهز كأني في براسو زلزال ومشغلك صوت الأغاني عالأخير وصوت الأغاني موصل لباب النيرب ويوم الجمعة بتروح لتصف السيارة رايح عالجامع بعد ما تطلع من الصلاة بصير عليك كسر سيئات على قد ما بتكفر بكون صافف جنب سيارتك من كل ماركة سيارة وبيخلص الأخ(الأخوة) صلاة وبيقلك لا توخدنا وين بتنصرف هي بقا وبتنزل المسا لتروح شي مشوار بتوقف عالإشارة بيستنوا الشباب نص ساعة وآخر 3 ثواني بيمشوا إدا ما خالفوا ما بينبسطوا شعب متعود عالمخالفات وشوفيرية التكاسي بكونوا واقفين قدام الإشارة ما بتلاقي غير سحل بقدرة الخالق وصار بالشارع التاني وإدا واحد شغلك الضوء العيلي كبيرة بحقك لازم ترد انهان شرفك بين الشوفيرية بقا على طريقتك يا شي زمور يساويلوا أبو صفار حبشي يا شي مسبة من النوع التئيل يا بتكسر عليه وبدخله بشي شجرة أو بشي عامود يا بتضل لاحقوا عالدعسة و بتعمي عمي لحد ما يفور ويكت وينزل هالعصاية وينزل البودي غارد وتفش كل قهرك في يا تاكول شي أتلة مرتبة وتغير الطريق متل ما الله خلقك والعديد من طرق النتقام عند الشوفيرية لو بدنا نعددن كلهن ما منخلص لبكر
أيدي على راسكن بصير هيك منشان الله قولولي شو الحل برأيكن

هلق مابقا تعجبك البلد الي انت ولدت فيا
اخ يازمن الواحد مابيرتاح غيرررررررررررر بيبلدو
بس يسلموووووووووو ايدكيك
موضوع رائع