بعض الامثال الحلبية الرائعة

بعض أمثال حلب فيما يتعلق بالزواج

- خود الأصيل ولو كان عالحصير

- خود من اللي كنلو ... لا تاخد من اللي صرلو.

- التجارة إمارة.

- تاجر بفلس اسمك بين الناس تاجر ونفسك بألف فلس لا تآجر.

- أعرج حلب وصل للهند من براعته في التجارة

- غيِّب شموس واقبض فلوس.

- بايدو سوار دهب (لصاحب الحرفة).

- كار بالايد أمان من الفقر.

- الكسل ما بيطعمي عسل.

- اللي معو مال بياخد بنت مكحولة واللي ما عندو مال ما بسوى ولا فولة.

- إن بدي أصرف من كيسي ما سميتك عريسي.

- قال لها يا مرا اطبخي كويس، قالتلو يا رجال كتر الايدام.

- عطي الشب للصبية وشلفون في البرية، بدبروا حالن..

- تجوز الفقير والمغني الله.

- اللي بتجوز بالدين بربي ولادو بالفائدة.

- اتجوزوا يا فقرا بكتروا الشحادين.

- طب الجرة على تما بتطلع البنت لأما.

- خود البنت المجنونة من الأم العاقلة ولا تاخد البنت العاقلة من الأم المجنونة.

- إذا كان الأب بصل والأم توم منين يطلع الولد كلبشكر (مربى الورد).

- وردة بتخلف شوكة وشوكة بتخلف وردة.

- زيوان البلد ولا حنطة جلب.

- اللي بياخد من ملتو بموت بعلتو.

- اخدنا القرد على مالو طار المال وبقي القرد على حالو.

- القرد قرد ولو زَيَّنو بالورد.

- صبحية البومة شؤم.

- لولا السمسارة ما نفقت بنات الحارة.

- قولي بيضا واسكتي... قولي سمرا ووصفي.

- البيضان ما بدن دعاية.

- الطويل إذا قعد ببين وان مشب بزيّن.

- الطول والكسم نص الحسن.

- كل حنطة مسوسة غلا كيّال أعمى.

- الحب أعمى.

- النسوان كلن متل بعض.

- أمسى المسا وتساوت النسا.

- الما بتنسى ربّا وما بتنسى أول من حبتو وحبا.

- عيفوا العسل في كوارو تتجي أسعارو

- من كتر همو أخد بنت عمو.

- من رزالتو أخد بنت خالتو.