يوميات رمضانية

تبدأ نهارك بمزيد من التوتر والغضب وتبدأ تقلب
على القنوات لحد ما تسجل حميع مواعيد المسلسلات على الورقة وتبلش تتابع لحد ما يصير عندك دكتوراه بالمتابعة وتستحق شهادة أكبر متابع في العالم وبعدين يطلبوا منك أهلك طلبات على جبلي هي ونزل هي وطالع هي طبعا أنت رجال البيت مافي باليد حيلة وترجع تابع المسلسل وبهلحالة بكون حدى من أخواتك استحود عل ريموت كونترول ويلا يا شاطر تعا رجعو وتبلش تفكر تفكر وتحاول تغري أخوك مرة بالمصاري وشي تاني وما برد عليك وتبلشوا تتقاتلوا لحد ما يجي أبوك ويعيط عليكم وياخد الريموت ويقلب على شي محطة دينية ضاع الحلم مافي بإيدك شي إلا النوم علما أن النوم أفضل طريقة لتضيع الوقت وعدم الشعور بالجوع ومثبتة علميا وتفيق بكون حط الشيخ أيدو على أدنو وبلش يأدن بتركد يا قاتل يا مقتول بدك تلحق كاسة مي بعدين بتعبي صحنك خمس أيام لأدام للإحتياط قبل ما حدى يلطش الأكل بدها تكون شي قطعة نادرة يا بيتزا يا كولا يا فخد فروج علما أن فخد الفروج أكتر قطعة مرغوبة وتحصل من أجلها مجازر كبيرة وبعد ما تخلص أكل بتركد عالدش وبتستلم جهاز التحكم متل ما بتعرف البنات مستقتلين على مسلسل صبايا وأنت بدك تتابع باب الحارة ومراجلهم وبتحصل مشكلة كبيرة ومفواضات كبيرة لحد ما تقدر تحصل الريموت وبتتفرج على باب الحارة وبتعيد تاني مرة متل نا بيقولوا بالإعادة إفادة وبتعير الموبايل منشان تشوفو كمان الساعة 3 الظهر بركي أجا بالفحص وبعد نهار مليئ بالقتال وبعد ما تتسحر يعني بتفكر تنام بتكون صارة الساعة 4 تقريبا وقبل ما تنام بتجهز خطة محكمة لتستولي عالريموت كونترول منشان ما يصير معك متل ما صار امبارح ويخربوها عليك وما بتقدر تنام وبتفتح المسنجر وبتحكي هيك ليصير الصبح وبتجي لتنام بيكون البيت كلوا فاق وما بتقدر تنام وبتأجلها لليوم التاني وهيك حتى نهاية رمضان ملاحظة:الإنسان في رمضان يعمل 24 ساعة بدون توقف

هههههههههههههههههههههههههههه
شكرا الك بالفعل كل الناس هيك بس انا الحمدلله ما بتقاتل عالجهاز

ميرسي موضوع رائع بس الحمد الله مالي هواي على التلفزيون
بتم نايم لبين مي قول الله اكبر هون بفكر اني افيئ
بس يسلمو ووووو